Анчелоти: Не сме среќни што играме против Атлетико

Карло Анчелоти е прилично задоволен од резултатот на првото мадрилењо дерби, бидејќи тоа што го имал замислено, на крајот и се остварило на првата пресметка на „Сантијаго Бернабеу“.

Италијанскиот стручњак посакувал било каква предност од првиот натпревар пред реваншот на „Метрополитано“, а за такво нешто се погрижи Брахим Дијаз кој режираше мала фудаблска минијатура во второто полувреме.

– Ова беше навистина тежок натпревар, но тоа беше очекувано и нормално. Очекувано е да биде тешко против Атлетико. Започнавме многу добро, потоа Хулијан постигна неверојатен гол. Во вториот дел бевме подобри, работевме добро и ја остваривме целта. Идејата беше да имаме мала предност и успеавме во тоа.

– Беше нависитна тешко, но замислете што ќе биде следната среда……. Верувам во малата предност што ја стекнавме и со големи амбиции ќе влеземе на реваншот. Ќе биде многу тешко, Атлетико ќе притисне уште повеќе пред своите навивачи, но очекувам нов израмнет меч.

– Двата тима многу добро се познаваат, квалитетот е огромен и ова слободно можеше да биде полуфинале, или финале во Лигата на шампиони. Не сме задоволни што играме против Атлетико, но мислам дека и Атлетико не е среќен што се бори против нас за едно четвртфинале во Европа, – изјави Анчелоти.