Анчелоти: Не е лесно да се биде Винисиус

Реал Мадрид доби драматичен натпревар во петокот и успеа да се врати во ситуација која изгледаше загубено, па така „кралевите“ по којзнат кој пат покажаа дека никогаш не можат да бидат прежалени на еден фудбалски натпревар.

Валенсија водеше 1:0 од првото полувреме и во последните 10 минути влезе со минимална предност, но кога се чинеше дека е блиску до три бода поради исклучувањето на Винисиус Жуниор, следеше неверојатен пресврт на гостите од престолнината.

Лука Модриќ и Џуд Белингам со двата гола се погрижиј за „кралско“ славје на „Месталја“, меѓутоа Реал Мадрид како клуб сега ја очекува и казната која ќе ја заработи Винисиус Жуниор.

Поради прикажата агресија во дуелот со Столе Димитриевски, правилата велат дека Бразилецот треба да заработи суспензија од 4 до 12 меча, но Реал достави жалба и се надева дека истата ќе биде уважена.

За црвениот картон на Винисиус денеска повторно зборуваше Карло Анчелоти, кој пред натпреварот со Депортива Минера во Купот нагласи дека не е лесно да се биде во кожа на бразилската суперѕвезда.

– Инцидентот во Валенсија не беше тежок за црвен картон, требаше да добие само жолт картон и затоа очекуваме да не добие суспензија од неколку натпревари. Нависитна е тешко да се биде Винисиус, тешко ми е да замислам да бидам во негова кожа.

– Тешко е да се издржи сето она што го доживува на теренот. Провокации и навреди, не е лесно да се биде Винисиус, но тој се обидува да биде подобар од ден во ден. Тажен е за црвениот картон и ни се извини, но тоа останува зад нас и сега гледаме напред со позитивни мисли, – изјави Анчелоти.