Анчелоти: Навивачите на Реал се научени на „рокенрол“ фудбал

Реал Мадрид не игра допадливо и атрактивно на стартот на новата натпреварувачка сезона и има многу простор за поправање на впечатокот, но Карло Анчелоти е убеден дека на навивачите на „кралскиот клуб“ никогаш нема да им биде здодевно додека тимит победува.

Италијанецот признава дека Реал не игра онака како што посакува во овој момент, меѓутоа останува верен на својата филозофија која често во јавноста знае да се нарече како „рокенрол“ фудбал.

Играта со многу промени на местата и амплитуди во диманиката на темпото носат посебна возбуда на трибините на „Сантијаго Бернабеу“, а оваа аналогија добро ја препознаваат навивачите на Реал кои секогаш се подготвени да дадат ветер во грб во завршницата на натпреварите.

– Нема потреба да измислуваме нешто ново, навивачите се возбудени со тоа што го правиме подолго време. Може да играме подобро од ова, но навивачите на Реал МАдрид се навикнати да гледаат „рокенрол“ фудбал, а не фудбал со многу допири на топката.

– Навивачите се навикнати на динамика и промена на темпото, секогаш се обидуваме да ги искористиме нашите ресурси и нашите најдобри карактеристики. Наша цел е да ги задоволиме навивачите и да останеме верни на нашиот стил, – изјави Анчелоти во најавата за натпреварот со Еспањол.