Анчелоти: Најдовме решение за проблемите на Реал

Реал Мадрид не е на посакуваното ниво во досегашниот тек на оваа сезона како во шпанското првенство така и во Лигата на шампионите.

„Кралевите“ веќе имаат минус од девет бода во однос на лидерот Барселона во Примера, додека пак во елитното натпреварување има два порази по четири натпревари и дури е на 18. позиција на табелата.

Ова дефинитивно се скромни резултати за великанот и дефинитивно се зголемува притисокот врв тренерот Карло Анчелоти без разлика на сите успеси во минатото. Реал мора да биде далеку подобар и за тоа е свесен Италијанецот кој порача дека го има решението кое ќе ја донесе посакуваната промена на подобро.

-Мислам дека го најдовме решението, сега треба да го покажеме на теренот. Пожртвуваност, фокус и колективен напор. Ова е клучот. Тежок момент за нас… но среќен сум што сум тука во најдобриот клуб во светот, -порача дон Карло пред лигашкиот натпревар со Осасуна на „Сантијаго Бернабеу“.