Анчелоти на тема зимски засилувања: Можам да кажам само една работа

Реал Мадрид утре и гостува на Валенсија во заостанатиот меч од 12. коло во шпанската Примера, меч на кој ако „кралевите“ слават ќе го преземат првото место во шампионатот.

Секако тоа е главна цел на екипата и тренерот Карло Анчелоти кој имаше можност да даде коментар на тема зимски засилувања затоа што Реал се поврзува со ангажман на дефанзивецот на премиерлигашот Ливерпул, Трент Александер Арнолд.

-Тешко е да се зборува за тоа во овој контекст, -истакна Карло запрашан за тоа дали темата била разговарана за време на паузата.

-Ќе видиме. Ќе видиме. Тоа е единственото нешто што можам да го кажам. Имаме многу натпревари во јануари, фокусирани сме на тоа. Зборувањето за пазарот не е едноставно за мене во моментов.

-Не сакам да зборувам за тоа бидејќи не е моментот да зборуваме за тоа овде. Реков дека ќе видиме и ќе видиме. Задоволен сум од составот што го имаме. Имавме потешкотии, но секогаш сме можеле да ги надминеме,-порача Италијанецот.