Анчелоти на тема „Винисиус и Саудиска Арабија“: Тоа се само…

Реал Мадрид оваа вечер ќе игра за првиот сезонски трофеј и тоа против Аталанта во рамките на Супер Купот на УЕФА, но во пресрет на средбата во Варшава се појавија интересни информации за можна преселба на Винисиус Жуниор во Саудиска Арабија.

Ал Ахли наводно е тимот кој е подготвен да го направи Бразилецот најплатен играч на светот, трансфер од кој голема заработка би имал и кралскиот клуб кој би добил сериозна сума за обештетување.

Секако на прва, ова се вести кои не се реални ако се погледне целата ситуација, поврзаноста на Вини со Реал, но и фактот што има 24 години и допрва треба да го извади најдоброто на најголемата сцена. Меѓутоа во денешно време ниту една вест, можност не може да се отфрли иако тренерот Карло Анчелоти смета дека се работи само за шпекулации.

-Воопшто нема ништо. Има само шпекулации, во овој момент на [трансфер] пазарот, кој се затвора на 31 август. Има само шпекулации, ништо друго. Се разбира, шпекулациите не влијаат [Винисиус]. Тој е тука, сака да биде тука. Тој сака да даде се од себе и да му помогне на Реал Мадрид, -истакна трофејниот италијански стручњак.