Анчелоти на иста линија со Флик: Играчите мора да бидат дисциплинирани…

Барселона и Реал Мадрид утре во директна битка ќе одлучат кој ќе го освои првиот трофеј во шпанскиот фудбал во оваа сезона, односно кој ќе слави во Супер Купот.

Двете екипи нормално сакаат победа, титула, ама на крајот што и да се случи јасно е дека има уште многу за што да се игра за крајот, па Карло Анчелоти даде искусна изјава во негов стил.

-Во случај на пораз утре сезоната продолжува. Тоа е финале и ние сме многу блиску до уште една титула и размислуваме позитивно, но свесен сум дека во фудбалот се може да се случи, а уште повеќе ако противникот е силен како Барселона. Нашиот тим се подобри и тоа никој не го оспорува. Поразот не би бил добар, ама не би изгубил сон, бидејќи треба да продолжиме, -рече Анчелоти кој е на иста линија со неговиот колега Ханси Флик кој уште еднаш покажа дека дисциплината му е најважна, па на претходниот меч го остави на клупата голманот Ињаки Пења.

-Распоредот е важен и играчите мора да бидат дисциплинирани. Одлуката што ја носам е дека сакам објаснувања за доцнењето. Ако причината е прифатлива, ништо не се случува, но ако не е, преземаме акција, -заклучи Италијанецот.