Анчелоти му возврати на Пике со јасна порака од прес-центарот: Можам да го убедам во едно нешто! (Видео)

Жерард Пике испрати нова провокација до лутиот ривал Реал Мадрид и заклучи дека последната титула на „кралевите“ во Лигата на шампионите никој нема да ја памети за неколку години, бидејќи според него тимот на Карло Анчелоти среќно и незаслужено стигнал до големиот трофеј.

Реал ја освои 14-та титула во најелитното натпреварување со серија пресврти против ПСЖ, Челси и Манчестер Сити и се „враќаше од мртвите“ во неколку наврати, па ставот на Пике секако предизвика многу реакции во јавноста, особено што истиот ден „кралевите“ играа во Лигата на шампиони.

Мадридистите на домашен терен ја победија Брага со 3:0 и се пласираа во осминафиналето, а по мечот Карло Анчелоти доби прашање за мислењето кое го сподели поранешниот стопер на Барса.

– Пике живее во свој свет, во друг свет во кој нема место за мадридистите. Можам да го убедам дека ниту еден мадридиста нема да ја заборави титулата која беше 14-та за нас.

– Тоа е титула во Лигата на шампионите која ќе се памети засекогаш, – гласи одговорот на Анчелоти.