Анчелоти му се налутил на Далиќ за третманот на Модриќ

Лука Модриќ и натаму е лидер на хрватската фудбалска репрезентација, додека на клупски план е пред важен момент, бидејќи се уште го нема продолжено договорот со Реал Мадрид.

Без разлика на исходот на преговорите, Реал очекува важна улога на Модриќ во решавачкиот дел од сезоната, па затоа и тренерот Карло Анчелоти очекувал разбирање од Златко Далиќ.

Наместо тоа, хрватскиот селектор воопшто не го поштеди Модриќ во квалификациите, па Анчелоти бил бесен поради фактот што ветеранот се враќа уморен во својот клуб.

– Реал побарал од Далиќ да има чувство во однос на минутажата на Модриќ, затоа што следуваат клучните натпревари во Лигата на шампионите и Копа дел Реј.

– Анчелоти сега е лут на Далиќ кој максимално го исцеди Лука и ќе се надева дека фудбалерот ќе може да ги покаже препознатливите игри наредниов период, – пренесува „Дефенса Сентрал“.