Анчелоти му ја затвори вратата на Себалјос, Флорентино му најде нов клуб на прецртаниот Бразилец (Фото)

Дани Себалјос побара трансфер од Реал Мадрид во претпоследниот ден од летниот преоден рок, па во ситуација кога го стави клубот во доста незавидна ситуација, Карло Анчелоти и Флорентино Перез на крајот решија да му ги завторат вратите и да блокираат такво сценарио.

Реал Мадрид заклучи дека нема доволно време да бара адекватна замена на трансфер пазарот, па Себалјос и оваа сезона ќе остане во Реал и ќе чека шанса од клупата за резерви.

Желбата на играчот за врска беше да се врати во Бетис и да ужива голема минутажа на „Бенито Виламарин“, но наместо Дани, на крајот во Андалузија ќе заврши Џовани Ло Селсо од редовите на Тотенхем.

Бетис брзо се пренасочи по изречното „НЕ“ од шпанската престолнина и го договори Ло Селсо, додека Реал како клуб успеа да му пронајде нова средина на играчот кој пред два дена доби јасен совет од Анчелоти.

Италијанецот му порача на Реинер да си пронајде адекватен клуб во кој редовно ќе има минутажа, а тоа ќе биде второлигашот Гранада кој денеска потврди дека го добива офанзивецот на едногодишна позајмица.

✍🏼 𝐎𝐟𝐢𝐜𝐢𝐚𝐥: Reinier, nuevo jugador del Granada CF.#ReinierRojiblanco

— Granada CF ❤️⚪️ (@GranadaCF) August 30, 2024