Анчелоти ироничен за неверојатната серија: Не знам како е можно од тим кој игра лош фудбал……

Реал МАдрид го претрпе последниот пораз во шпанската Ла Лига пред една година, а од натпреварот со Атлетико Мадрид на „Метрополитано“, тимот на Карло Анчелоти успеа да наниже серија од 38 меча без пораз во домашното првенство.

„Кралевите“ цели 38 натпревари не знаат како е да се почувствува горчината на поразот во шпанската елита (32 кола од минатата и 6 од актуелната сезона), па поради тоа, за Анчелоти сосема нелогични се натписите во кои се вели дека Реал игра доста лош фудбал во последно време.

Новинарите на прес-конференцијата пред мечот со Алавес го запрашаа Италијанецот како е возможно да се биде толку долго непоразен во ситуација кога тимот игра лош фудбал, по што Карло возврати на ироничен начин.

– Навистина е тешко да се објасни тоа. Јас не гледам така на работите, но вие новинарите знаете да кажете дека играме лош фудбал. За мене, најважно од се во овие изминати години е тоа што Реал Мадрид нема изградено само еден идентитет.

– Овој тим има повеќе идентитети, знае да игра во низок блок, знае да игра добро во транзиција, но и со посед на топката. Овој тим знае да се снајде во повеќе улоги. Тоа што немаме јасен идентитет многумина знаат да го протолкуваат во стилот „немаме игра“, но тоа не е вистина. Ние знаеме за што играме на секој меч, играме за да победиме, – изјави Анчелоти.