Анчелоти го потврдил проблемот: Мбапе побара да биде заменет

Килијан Мбапе вчера постигна нов гол во дресот на Реал Мадрид, но мораше порано да го заврши натпреварот во кој неговиот тим го победи Алавес во рамките на шпанското фудбалско првенство.

Французинот почувствувал болка на мускул на ногата, а тоа го потврдил и тренерот Карло Анчелоти.

– Мислам дека е добар, се работи за истегнување, побара замена за да се избегнат поголеми проблеми, – рекол тренерот на Реал.

Сепак, Мбапе денеска ќе помине подетални прегледи и ќе биде појасно дали навистина бил само претпазлив во оваа ситуација.

Информацијата е посебно важна со оглед на фактот што веќе претстојниот викенд Реал се соочува со градскиот ривал Атлетико Мадрид.