Анчелоти доби едно изненадување во тимот за гостувањето во ЛШ (Фото)

Килијан Мбапе се повреди на натпреварот против Алавес и тоа беше единствена лоша вест од тој натпревар, па Карло Анчелоти мораше да работи на тоа како да го замени најголемото летно засилување.

Италијанецот посочи дека за Реал нема да биде проблем да игра без Французинот поради тоа што не можеа да сметаат на него до оваа сезона, но после само седум дена, Килијан успеал да направи едно мало медицинско чудо.

Иако првичните проценки беа дека поради мускулна повреда ќе паузира од две до три недели, Мбапе се чувствува многу подобро после само седум дена, па затоа е и ставен на списокот на повикани фудбалери за Лил.

Реал Мадрид во среда ќе му гостува на францускиот прволигаш во европската елита, па не само што ќе отпатува со тимот за Франција, туку планот е утре да има завршен тест.

Мбапе е играч кој е познат по тоа што не сака да пропушти ниту еден натпревар и затоа многу веројатно е дека ќе добие минутажа од Анчелоти на гостувањето на „Декатлон Арена“.

📋✅ ¡Nuestros convocados!
🆚 @losclive#UCL pic.twitter.com/IDDDNSyIh5

— Real Madrid C.F. (@realmadrid) September 30, 2024