Анчелоти: Ако до Божиќ…

Реал Мадрид и понатаму покажува одредени слабости, но во исто време делува далеку постабилно кога се во прашање резултатите и уште една потврда за тоа беше триумфот над залетаната Аталанта во Лигата на шампионите.

Шпанскиот великан славеше со 3-2 во Бергамо и сега дефинитивно е во далеку подобра позиција за место во наредната фаза на елитното натпреварување.

-Ја покажавме нашата најдобра верзија затоа што ако не го сторите тоа овде, не можете да победите. Се натпреварувавме, се боревме и работевме многу напорно, со добар пристап и многу мобилност од напаѓачите. Мечот помина добро, -истакна тренерот Карло Анчелоти кој е уверен дека допрва следи најдоброто од „кралевите“.

-Ако до Божиќ сме живи во сите натпреварувања работите ќе одат добро бидејќи играчите ќе се вратат. Сега треба да издржиме до Божиќ, нема друга опција. Кога ќе ги вратиме играчите, ќе има поголема конкуренција, но она што нема да се промени е тоа што ќе го ставам најдобриот можен тим да победи на секој натпревар, -додаде Италијанецот, а пренесува „Мундо Депортиво“.