АМС со спортски настан по повод државниот празник ,,8 Септември”: Трчај, Играј, Активирај Се!!!

cover za desktop i mobile

“Трчај, играј, активирај се” е мотото под кое на 6-ти септември, на Кејот на реката Вардар, Агенцијата за млади и спорт ќе организира спортско – рекреативен настан во пресрет на 8. Септември, Денот на независноста на Република Македонија.

Агенцијата за млади и спорт ги повикува сите заинтересирани да се пријават и да бидат дел од атлетската трка во пресрет на Денот на независноста, 8.септември, – стои во соопштението од АМС.

Централна активност на настанот ќе биде рекреативна атлетска трка која ќе започне од Каналот на Вардар (општина Карпош, кај карпата за искачување), во 17:00 часот, а ќе заврши кај Градска плажа (општина Центар).

Пријавете се, пополнувајќи го соодветниот формулар (КЛИКНИ И ПОПОЛНИ ФОРМУЛАР) или на телефон: 075-254-734.

Повикот за аплицирање за учество на настанот ќе биде отворен до 04.09.2017 (понеделник), до 20:00 часот информираат од АМС.

Во рамки на настанот ќе биде организирана и еколошка акција за чистење на Кејот на Вардар, како и спортски активности: одбојка на песок, кајак, крос фит, искачување на карпа, скејт активности.

aktiviraj se MK (1)

Facebook Коментари