Амрабат постигна гол за победа во 102. минута, Мурињо полуде и имаше неуспешен обид да се лизга на колена (Видео)

Фенербахче се мачи да го одржи чекорот со првопласираниот Галатасарај, но денеска великанот од Истанбул успеа да оствари драматична победа во турската Суперлига, триумф кој стана вирален и поради реакцијата на Жозе Мурињо.

Гостувањето кај Трабзонспор беше означено како тешко и комплицирано уште во најавата за дербито, но Фенербахче успеа да победи на најсладок можен начин, погодувајќи во самата завршница.

Софијан Амрабат погоди длабоко во судиското продолжение и донесе победа за Фенер во 102-та минута, а тоа донесе лудило на теренот меѓу играчите, но и кај Мурињо.

Жозе имаше неуспешен обид да се излизга на колена во стилот на големите фудбалски ѕвезди, но емоциите кои ги покажа беа доволни за да стане вирален хит.

Исто така, Мурињо го украде шоуто и по последниот судиски свиреж, бидејќи кога одеше кон тунелот, потскокнуваше и се радуваше пред бесните навивачите на Трабзонспор кои фрлаа предмети кон гостите од Истанбул.

😂 José Mourinho's got to start working on his knee-slides… 😭 pic.twitter.com/KynhaVoz0J

— Football Tweet ⚽ (@Football__Tweet) November 3, 2024

Jose Mourinho’nun maç sonu sevinci pic.twitter.com/c8ILSuZ9fH

— Selin (@selinnkocaturkk) November 3, 2024