Аморим за опцијата Сити: Ова беше…

Манчестер Сити и Манчестер Јунајтед ќе ги одмерат силите во неделното дерби во Премиер лигата закажано за 17:30 часот.

Ова е средба на две екипи кои не се во посакуваната форма особено домаќините кои се актуелни шампиони, бранители на титулата и сигурно ќе се обидат со помош на своите навивачи да го срушат ривалот кој пак од друга страна си има свои планови, шанси на средбата на „Итихад“.

Рубен Аморим од неодамна ги води „црвените ѓаволи“, но претходно тој беше поврзуван со Манчестер Сити, односно медиумите го најавуваа како потенцијален наследник на Пеп Гвардиола пред Шпанецот да стави потпис на новиот договор со Сити.

Јасно е дека низ медиумите, социјалните мрежи кружат многу вести, а колку Аморим бил блиску до можно преземање на „граѓаните“ говори изјавата која ја даде на темава пред престојната градска пресметка.

-Никогаш. Никогаш не сум добил повик од нив и ова беше мојата единствена опција. Кога Манчестер Јунајтед разговараше со мене, не се сомневав. Веќе имав нешто во мојот ум дека [работата во Јунајтед] може да биде можност. Со Манчестер Сити или Виана? Ништо за тоа, -истакна Португалецот.