Аморим: Во Јунајтед нема да добијам време како Артета во Арсенал

Манчестер Јунајтед утре го пречекува Арсенал во натпревар кој ќе привлече посебно внимание меѓу фановите и покрај различните позиции на табелата на двете екипи.

Менаџерот на домаќините, Рубен Аморим, на последната прес-конференција зборувал за своите амбиции да го врати Јунајтед на премиерлигашкиот врв, но и самиот е свесен дека не може да се надева дека ќе добие време како Микел Артета во Арсенал.

Шпанецот ги врати „топчиите“ меѓу водечките англиски екипи, но ова е петта сезона во која не успеа да донесе ниту еден трофеј.

– Сигурно нема да добијам време какво што доби Артета.

– Го чувствувам тоа. Ова е поинаков клуб, мислам дека работата на Артета може да биде инспирација за тренерите, но јас нема да добијам толку време, – вели Португалецот.

Во пресрет на дербито тој признал дека повредите и заморот му создаваат проблеми, посебно што во четврток следува и многу важниот дуел со Реал Сосиедад.

– Мора да преживееме во недела. Екипата беше преморена во последните 20 минути на дуелот со Реал Сосиедад, мора да се подготвуваме за Арсенал и да размислуваме и за многу важниот натпревар во четврток. Се обидуваме да сметаме на фудбалерите кои се посвежи и не ризикуваат повреди, мора да бидеме достоен ривал во недела, – рекол Аморим.