Аморим веќе стравува за својата работа во Јунајтед: Знам која е реалноста…

Манчестер Јунајтед и понатаму се мачи со играта, резултатите и може да се заклучи дека промената на менаџерот не донесе нова енергија, ветришта во досегашниот престој на Рубен Аморим на „Олд Трафорд“.

„Црвените ѓаволи“ се во серија од три порази (Тотенхем, Борнмут и Вулверхемптон), а пред нив се три тешки натпревари против Њукасл, Ливерпул и Арсенал, па менаџерот Аморим дефинитивно почнува да го чувствува притисокот иако е на сегашната функција од месец ноември.

-На менаџерот на Манчестер Јунајтед никогаш, без разлика на се, не може да му биде удобно. Знам дека ако не победиме, без разлика дали ќе активираат клаузула [за мене] или не, знам дека секој менаџер е во опасност и тоа ми се допаѓа бидејќи тоа е работата, па го разбирам прашањето. Може да дебатирате дека сум тука еден месец и имав четири тренинзи [сесии], но не победуваме. Тоа е реалноста и тоа го разбирам, -вели Португалецот кој не знае колку време ќе му биде потребно за да успее.

-На идејата и треба време.Ви кажав претходно дека ова ќе биде тежок момент и далеку сме од крајот на овој момент и тоа е тоа. Мора да продолжиме и да се фокусираме на следниот натпревар. Немам поим. Немам идеја. Наместо јас да се обидувам да разберам колку време ќе биде потребно, одиме ден за ден.

-Подобрување, обид за гледање видеа, искористување на секоја минута од тренингот и обид за освојување бодови затоа што е навистина важно во овој момент, -подвлече стратегот.