Аморим сам ќе одлучува за иднината на Санчо

Раководството на Манчестер Јунајтед ќе му даде одврзани раце на Рубен Аморим да донесе конечна одлука за иднината на Џејдон Санчо, во случај тој да се врати од редовите на Челси.

Англискиот репрезентативец игра на заем во лондонскиот состав, кој има обврска да го откупи неговиот договор доколку Челси заврши на подобра позиција од 14. место во Премиер лигата.

Сепак, дел од медиумите шпекулираат дека Челси планира да преговара со Јунајтед за сепак да не го официјализира трансферот на Санчо, бидејќи тој не е стандарден во екипата на Енцо Мареска, но тоа ќе значи дека сепак ќе мора да ја исплати сумата од 25 милиони фунти која претходно е договорена.

Во такво сценарио и враќање на Санчо на „Олд Трафорд“, Аморим ќе добие можност самиот да донесе одлука дали ќе го задржи крилниот напаѓач или тој ќе биде ставен на трансфер листата.

Санчо влезе во конфликт со неговиот претходник Ерик тен Хаг, а има договор со Јунајтед до 2026 година.