Аморим: Рашфорд послушал погрешен совет……..

Рубен Аморим неочекувано го прецрта Маркус Рашфорд за дерби пресметката со Манчестер Сити која се одигра пред една недела, па откако настана вистинска бура на оваа тема, португалскиот стручњак ја остави на сила истата одлука и на следните два меча.

Аморим го помилува Алехандро Гарначо, но Рашфорд остана во аут и за дуелите против Тотенхем и Борнмут, факт кој направи многумина да го прежалат напаѓачот и да пишуваат дека тој е минато на „Олд Трафорд“.

Големи се шансите дека Маркус ќе направи трансфер од матичниот клуб во претстојниот зимски преоден рок, а покрај првичната одлука на менаџерот, важна улога во оваа драматична ситуација одигра и самиот фудбалер со експлозивното интервју кое го одработи.

Рашфорд најави дека е подготвен за заминување и за нов предизвик надвор од Јунајтед, а моментумот во кој го направи интервјуто направи истото да биде топ тема во Англија.

Гледано од своја перспектива, Аморим смета дека Рашфорд добил лош и погрешен совет од некој кој е близок во неговиот тим, додавајќи дека споменатото интервју најверојатно не била идеја на самиот напаѓач.

– Ситуацијата со Рашфорд е навистина тешка. Знам дека играчи како него имаат голем број на луѓе околу себе, а тоа прави понекогаш да донесат одлуки кои не се нивни. Го сфаќам тоа и знам да направам разлика. Очигледно е дека добил погрешен совет…..

– Јас сум тука за да му помогнам, а истото важи за сите други играчи. Тоа што го прават надвор од теренот, јас не можам да го контролирам. Тие сами бираат кога да направат интервју, не зборувам само за Рашфорд, туку општо за сите. Како тренер, јас се фокусирам на него на перформансите и на начинот на кој тренира. За останатото, јас и клубот ќе се справиме кога ќе дојде време за тоа, – изјави Аморим во најновото интервју за „Скај Спортс“.