Аморим пред дебито на клупата на Јунајтед: Мора да имам поинаков пристап од тој на Фергусон

Фановите на Манчестер Јунајтед со нетрпение го очекуваат денешниот дуел со Ипсвич, кој ќе означи почеток на ерата под водство на Рубен Аморим и се надеваат дека екипата ќе им се врати на посакуваните изданија.

Португалскиот стручњак прифати да преземе сериозна одговорност среде сезона и сигурно ќе биде под голем притисок да испорача нешто ќе направи разлика во однос на натпреварите под водство на Ерик тен Хаг, а досега покажа дека одлично се снаоѓа во комуникацијата со новинарите.

– Можам да бидам „насмеаниот“, но кога имаме работа за завршување ќе бидам поинаков.

– Постојат моменти кога можам да бидам забавен, но и можам да бидам и немилосрден кога е потребно. Ако некој мисли само за себе, ќе бидам поинаква личност во односот со него.

– Ова е клуб кој треба да освојува трофеи, но сега е поинакво време и јас не можам да бидам како Алекс Фергусон. Мора да имам поинаков пристап, но тоа не значи дека нема да барам многу од фудбалерите, – рекол Аморим на последната прес-конференција.