Аморим по првиот триумф со Јунајтед: Против Евертон ќе биде важна само една работа

Рубен Аморим доби посакуван пречек од фановите на Манчестер Јунајтед на „Олд Трафорд“, а неговиот тим успеа да оствари победа против Бодо во Лига Европа.

Премиерлигашот го подобри својот пласман во европското натпреварување, а Аморим веќе мора да размислува за следниот предизвик. Јунајтед ќе се соочи со Евертон во Премиер лигата, а менаџерот вели дека има само еден императив на тој дуел.

– Мора да одиме на резултат и тоа е најважната работа за тој натпревар.

– Мислам дека се подобривме во споредба со дуелот со Ипсвич, топката се движи подобро, мора да правиме и ротации во составот.

– Последните десет минути се виде дека фудбалерите се преморени, Хојлунд беше „мртов“, затоа и замените се многу важни, – рекол Аморим.

Јунајтед го пречекува Евертон во недела од 14:30 часот.