Аморим по новото разочарување со Јунајтед: Не сум загрижен…

Манчестер Јунајтед претрпе нов пораз во Премиер лигата, овојпат на гостувањето во Лондон кај Тотенхем каде клучен беше погодокот на Медисон во првото полувреме.

„Црвените резултати“ по новото одиграно коло паднаа на 15. позиција на табелата, односно клубот за првпат губи 12 натпревари по 25 рунди од сезоната 1973-74 кога воедно екипата испаднала во понизок ранг.

Под водство на Рубен Аморим англискиот великан има дури 8 порази во 14 лигашки средби што дефинитивно е катастрофлен учинок, но Португалец е мирен и не стравува дека може да заработи отказ.

-Не сум загрижен. Ги разбирам нашите навивачи, што мислат медиумите за тоа. Мразам да губам, тоа чувство е најлошо. За другото не размислувам. Тука сум да им помогнам на моите играчи. Ја разбирам мојата ситуација, мојата работа, сигурен сум во мојата работа и сакам само да победувам. Местото на табелата е мојата грижа, не сум загрижен за мене.

-Имам многу проблеми, мојата работа е толку, толку тешка овде. Но, јас се држам до моите верувања. Растеш и учиш многу работи. Треба само да се соочиме со тоа и да не бегаме, тоа е моето чувство. Денешниот ден ќе ве боли, тешка е болката да изгубите толку многу натпревари, но потоа можете да ги промените работите за една недела, -порача стартегот.