Аморим: Не сум наивен, се бориме за нашата работа…

Рубен Аморим го презема Манчестер Јунајтед во месец ноември и иако со голем оптимизам, енергија беше дочекан на „Олд Трафорд“ овој изминат период не го донесе она на кое сите се надеваа во таборот на премиерлигашот.

Играта, резултатите не се на посакуваното ниво, па Аморим полека го чувствува притисокот и е свесен дека доста работи мора да се променат на подобро до крајот на сезоната затоа што во фудбалот брзо се менуваат работите без разлика на договорот што го има и кој вели дека треба да остане во Јунајтед до 30 јуни 2027 година.

-До лето се бориме за нашите работни места. Знаeв кога ја избирав оваа професија дека има ризик од резултат и знаев кога дојдов овде, го гледам распоредот, го гледам тимот и ја разбрав мојата одлука да сменам се на сред сезона без нови засилувања, тоа е опасност за тренерот.

-Но, уште од првиот ден, со добри или лоши резултати, имам јасна претстава за тоа што сакам да правам и ги преземам овие ризици бидејќи на крајот мислам дека ќе се исплати. Не сум наивен, тоа го кажав многу пати, ова е резултатски спорт и ние сме во тешка ситуација, -истакна стратегот пред утрешниот меч со Лестер во ФА Купот.