Аморим: Не постоевме во првото полувреме…

Манчестер Јунајтед со два гола во вториот дел, два гола од прекини успеа да остане непоразен на гостувањето кај Евертон на „Гудисон Парк“.

„Црвените ѓаволи“ одиграа лошо прво полувреме по кое имаа негатива од 2-0 за да по паузата се подобрат, поврзат и бидат поопасни кон голот на Пикфорд, па на крајот со 2-2 се изборат за бод.

-Не постоевме во првото полувреме. Изгубивме топки кои не смеевме да ги загубиме. На полувремето реков дека ќе го направиме она што го направивме во оваа седмица со повеќе енергија, -истакна Рубен Аморим.

-Треба да ги освоиме три бода и да го добиеме целиот натпревар. Најлошото е што ја губиме топката без притисок и не го правиме тоа што треба да го направиме. Бевме меки, -порача предводникот на клубот од Манчестер.