Поврзете се со нас

Англија

Аморим не можеше да поверува што гледа: Антони требаше да ја смести топката во празната мрежа, но…(Видео)

Објавено

на

Манчестер Јунајтед направи пресврт против „фенерџијата“ во Премиер лигата благодарение на Амад Диало, но пред да дојде до хет-трикот на разиграниот крилен напаѓач, навивачите на „Олд Трафорд“ беа сведоци на едно нестварно промашување.

Антони никако не успева да го прекине проклетството и продолжува со својата слаба форма во дресот на англискиот великан, но утката која ја режираше вчера против Саутемптон сигурно ќе го прогонува подолго време.

Алехандро Гарначо извонредно проигра на втора статива каде беше осамениот Антони, но наместо Бразилецот да ја смести топката во празната мрежа, тој изреагира како противнички дефанзивец.

Антони ја додаде топката до Рамздејл и упропасти стопроцентна шанса за Јунајтед, па сосема очекувано се најде на „ѕидот на срамот“ на социјалните мрежи.

Крилниот фудбалер е предмет на голем потсмев поради промашувањето кое го имаше, а фановите почнаа да се шегуваат дека Јунајтед би имал поголема корист од него ако почне да игра во одбрана.

Вчудоневиден од утката на Антони беше и менаџерот Рубен Аморим, а доказ за тоа е реакцијата која ја имаше по целата ситуација на теренот.

Видеото погледнете го ТУКА

Advertisement
Advertisement

Италија

Advertisement

Популарни