Аморим не го вклучи во својот тим, Ван Нистелрој се одјави со неколку реченици (Фото)

Рубен Аморим по крајот на последниот меч кој го одработи како тренер на Спортинг Лисабон најави дека ќе мора да одработи состанок со Руд Ван Нистелрој пред да донесе конечна одлука за неговата иднина, но веќе во понеделник попладне стана јасно дека за легендата нема место во стручниот штаб на Португалецот.

Аморим не го вклучи Руд во својот тим и допрва ќе даде објаснување за оваа своја одлука, но пред да дојде до тоа, во меѓувреме доста популарна стана кратката одјавна епизода на Ван Нистелрој.

Некогашниот напаѓач го водеше Јунајтед на четири натпревари како привремен менаџер, а мора да се признае дека играчите воспоставија извонредна конекција со Холанѓанецот и успеаја да запишат три победи и едно реми на четири натпревари.

– Ова беше преубав момент. Се вратив во клубот и почнав да работам, потоа го водев на четирите натпревари, сите на домашен терен.

– Имавме добри резултати, а постигнавме и неколку убави голови. Чувството е посебно, ме гледаа и мојот татко и мојот син. Ова беа фантастични моменти за мене, – порача Руд.

Ruud ❤️#MUFC pic.twitter.com/n4wXc1a75t

— Manchester United (@ManUtd) November 11, 2024