Аморим му се заблагодари на Ван Нистелрој за „експлозијата“ кај еден играч на Јунајтед: Има мал раст, но голем талент

Маркус Рашфорд и Џошуа Зиркзе постигнаа по два гола во убедливата победа на Манчестер Јунајтед од 4:0, но на овој натпревар повторно блескаше и Амад Диало кој запиша две асистенции.

Младиот крилен напаѓач почна да добива значителна минутажа од Руд Ван Нистелрој за време на четирите меча кои ги водеше Холанѓанецот, но со ист став за Амад продолжи и Рубен Аморим кој реши да не го извади од стартната постава.

Засега, Диало возвраќа со одлични изданија и максимално залагање во одбрана и напад, по што Аморим повторно зборуваше за него по натпреварот против Евертон.

– Амад има мал раст, но станува збор за голем талент. Тој повторно заврши одлична работа, но најдобро е што може уште да се подобрува. Руд Ван Нистелрој му помогна многу за време на четирите меча на кои го водеше тимот, а Амад сега ми помага мене.

– Диало се наоѓа во многу добар фудбалски момент, но за тоа треба да му се заблагодариме на Руд. Неговиот момент започна со Руд, па сега јас користам од добрата работа која ја заврши Ван Нистелрој со него. Игра извонредно во напад, но помага постојано и во одбрана, – потенцира Аморим.