Аморим: Моето мислење за Бруно е поважно од тоа на Кин

Рубен Аморим се вклучил во дебатата која ја отвори Рој Кин, уште еднаш јавно критикувајќи го актуелниот капитен на Манчестер Јунајтед, Бруно Фернандеш.

Во подкаст гостувањето кај Гери Невил, Кин упати многу критики за Португалецот, потенцирајќи дека неговиот талент не е доволен и тој не е доволно борбен, ставајќи го во група на фудбалери кои не заслужуваат да го носат дресот на Јунајтед.

Кин и Рајт во жесток дуел на тема Бруно Фернандеш: Талентот не е доволен (Видео)

Менаџерот Аморим застанал во одбрана на Фернандеш во пресрет на ФА куп настапот на Јунајтед.

– Слушнав за тоа, јас имам поинакво мислење, Бруно е многу важен за тимот и посебно за мене. Игра добро во комплицирани околности и секогаш презема одговорност.

– Знам дека понекогаш прави гестикулации со рацете и ги критикува соиграчите како капитен, но тоа најчесто се фрустрации собрани од последните неколку сезони.

– Кин е научен на повисоки стандарди, но сметам дека моето мислење по ова прашање е поважно од неговото, јас сум тренерот и мислам дека Бруно игра одлично, – рекол Аморим.