Аморим: Ќе мислат дека сум новиот Фергусон…

Рубен Аморим за брзо време ќе го преземе премиерлигашот Манчестер Јунајтед, но пред да се случи тоа ќе мора да одработи уште некој натпревар на кормилото на Спортинг Лисабон меѓу кои и оној против Манчестер Сити во Лигата на шампионите.

Тоа е средба закажана за утре од 21 часот во Португалија, a пред истата Аморим испрати една интересна порака. Тој сака да му донесе радост на Спортинг, но во исто време им порача на навивачите на Јунајтед да не го воздигнуваат во случај да биде остварена победа над Сити.

-Не размислувам за тоа [зголемување на очекувањата на навивачите на Јунајтед]. Мојот фокус е на победата во натпреварот за Спортинг. Заклучоците не ми се важни бидејќи може да бидат погрешни. Ако победиме утре, тие ќе мислат дека доаѓа новиот сер Алекс Фергусон.

-Тоа ќе биде многу тешко да се оправда. Тоа би можело да ги зголеми очекувањата. Не размислувам за тоа, -порача Португалецот.