Аморим ги „прецрта“ Рашфорд и Гарначо за градското дерби со Сити

Фудбалските фанови со нетрпение го очекуваат градското дерби меѓу Манчестер Сити и Манчестер Јунајтед и пресметката на две екипи кои не играат во посакуваната форма.

Веќе се познати и составите на двата тима, а посебно внимание привлекоа одлуките на Рубен Аморим на „црвената страна“ на дербито.

Маркус Рашфорд и Алехандро Гарначо не само што не се во првите единаесет, туку воопшто не се ни во тимот за градското дерби, одлука која сигурно ќе донесе многу коментари наредниот период.

Во однос на победата во Лига Европа, Португалецот направи четири замени, па Мегваер, Хојлунд, Маунт и Угарте ќе ги заменат Зиркзе, Маласија, Касемиро и Рашфорд.

Фил Фоуден се враќа во стартната постава кај Сити, а стартер ќе биде и Матеус Нуњес, додека Рико Луис ќе го пропушти натпреварот поради суспензија.

Сити: Едерсон, Вокер, Диаш, Гвардиол, Силва, Фоуден, Гундоган, Нуњес, Де Брујне, Доку, Халанд
Јунајтед: Онана, Мазрауи, Мегваер, Де Лихт, Мартинез, Далот, Угарте, Бруно, Маунт, Диало, Хојлунд