Американците загубија, селекторот лут на еден фудбалер: Тоа беше голема глупост (Видео)

Американската фудбалска репрезентација водеше против Тринидад и Тобаго, но на крајот мораше да се соочи со непријатен пораз од 1:2 на домашен терен.

Американците обезбедија пласман на Копа Америка, но сепак не очекуваа негативен резултат на натпреварот на кој беа големи фаворити.

Како директен виновник за ваквиот епилог, фановите, но и селекторот Грег Берхалтер го посочија Серџино Дест, кој заработи непотребен црвен картон уште во првиот дел.

Дест доби жолт картон поради шутирање на топката кон трибините, а потоа уште еден поради протестите кон судијата, па ги остави соиграчите на цедило.

– Потегот е загрижувачки затоа што тоа не е начинот на кој сакаме да се претставуваме. Горди сме на начинот на кој се соочуваме со тешките моменти и различни судиски одлуки на теренот, а однесувањето на Дест сигурно не беше во тој стил. Тој е млад фудбалер, направи глупава грешка и свесен е за тоа, по натпреварот им се извини на соиграчите, – рекол американскиот селектор.

Дест доби црвен картон и на дуелот со Мексико пред неколку месеци, па стана прв американски репрезентативец кој добил два црвени картони во една календарска година уште од 1990 година.

Американците излегоа како победници против Тринидад и Тобаго поради убедливата победа на првиот натпревар, па ќе бидат меѓу 16 учесници на Копа Америка, која следната година ќе се одигра со 16 селекции (1о од Јужна Америка и 6 од Северна и Средна Америка) токму во САД.

For the second time in 2023, Sergiño Dest records an assist and a 🟥 red card in the same game. #USMNT 🇺🇸

pic.twitter.com/fzheBexyjj

— 90min_US (@90min_us) November 21, 2023