Алварез ги издвои тројцата најдобри дефанзивци со кои се соочил во кариерата

Хулијан Алварез ја промени клупската средина во текот на летниот преоден рок и од Манчестер Сити премина во редовите на Атлетико Мадрид.

Аргентинецот беше значаен играч во Сити, но сакаше да има уште поголема улога, да игра повеќе и побара да си замине, а менаџерот Пеп Гвардиола не му направи никаков проблем и му дозволи да го напушти „Итихад“.

Напаѓачот се уште се бара во Атлетико каде на 9 натпревари и 501 одиграни минути има постигнато само 2 погодоци и нема забележано ниту асистенција. Во Мадрид ќе го чекаат да блесне, а во меѓувреме тој ги избра тројцата најдобри дефанзивци со кои се соочил со кариерата.

Се работи за тројца играчи со кои до „вчера“ војуваше во Англија и тоа Вирџил Ван Дајк од Ливерпул и неговите сонародници од Тотенхем и Манчестер Јунајтед, Кристијан Ромеро и Лисандро Мартинез.

-Ван Дајк зошто е многу силен, еден од најдобрите дефанзивци на светот. Ромеро и Мартинез, Кути е многу агресивен и е меѓу најдобрите на светот, Лича исто така. Двајцата се слични во нивната одбранбена агресивност, -истакна фудбалерот на Атлетико.

Julian Alvarez names his top three defenders he's faced… 👀 pic.twitter.com/iJ1PDuUXme

— ESPN UK (@ESPNUK) September 30, 2024