Алушовски промовиран во нов тренер на Охрид: Ова е амбициозен проект, целта е…

Македонскиот прволигаш ГРК Охрид е многу активен во последниве денови, па откако беа ангажирани Теимураз Орјоникидзе, Берин Бркиќ, Никола Стоилевски, Милорад Кукоски, Даниел Ѓорѓески и Гоце Ојлески, клубот ја информираше јавноста дека нов тренер на екипата е Стевче Алушовски.

Македонската ракометна легенда во претходниве години работеше во Исланд во редовите на Тор Акурејри, односно по две години се враќа на домашната сцена каде претходно ги водеше Пелистер/Работник и Вардар.

-Среќен сум што повторно после двегодишна пауза се враќам во македонакиот ракомет, а посебно затоа што го превземам амбициозниот проект на РК Охрид. Во разговор со градоначалникот на Охрид г-дин. Кирил Пецаков и се она што ми беше презентирано како идни планови на клубот претставуваат убав и голем предизвик за мене да сите заедно направиме од РК Охрид репрезент на градот кој несомнено сака спорт и знае што е квалитетен спорт. Среќен сум и возбуден бидејќи претстои макотрпна работа на сите во клубот да го доведеме РК Охрид на едно повисоко скалило односно клуб кој ќе настапува во Европа и достојно ќе го репрезентира македонскиот и охридскиот спорт, -порача новиот предводник на „гладијаторите“.

Инаку Алушовски доаѓа на местото на Горан Андоновски.