Поврзете се со нас

Македонија

Алушовски ја поддржа теоријата на Червар од пред три години: Не можам да го сфатам Талески!

Објавено

на

Филип Талески остана без клуб откако Балинген соопшти дека нема да му го продолжи договорот на играчот кој практично истече поради прекинот на сезоната која ја предизвика Бундеслигата, па во период кога се шпекулира во кој германски клуб ќе ја продолжи кариерата, ни пристигна и една интересна изјава од Стевче Алушовски.

Тренерот кој ќе биде лидер на тимот на Вардар и наредната сезона отворено порача дека Талески има понуда на маса од Вардар за враќање во својата родна земја, но како што нагласува во подкастот за „Балкан Хендбол“ , од непозната причина репрезентативецот одбива да направи кам-бек во Македонија и да ја врати кариерата на вистински пат.

Талески дефинитивно не се изнаигра во Германија и неговиот прогрес оди доста побавно од очекуваното, а сега Алушовски ја поддржува теоријата на Лино Червар кој уште пред три години порача дека младиот ракометар прерано ја напушти Македонија.

– Талески не доби вистинска шанса во Рајн Некар, шампионски тим во Германија во тоа време. Истото важи и за Кузмановски во Магдебург, тоа се покажаа како клубови кои се преголем залак. Требаше да одберат помали клубови, онаму кадешто ќе имаат минутажа и би биле носители. Според мене, прерано заминаа од Македонија и затоа треба да размислуваат за враќање. Јас кажувам јавно, сакаме да го вратиме Талески во Македонија, има отворена понуда од Вардар да ни се приклучи во јуни и да биде дел од нашиот тим, – открива Алушовски и додава.

– Сепак, тој себеси се гледа во Германија, зошто е тоа така, не можам да разберам. Ова е Македонија, тој е Македонец, нема подобро да живееш и да работиш во својата земја и условите сега ќе бидат исти како таму. Сепак, тоа е нивната визија за ракомет, па колку и да не ја сфаќам, треба да се почитува, – завршува тренерот на Вардар.

Реклама
Реклама
Реклама

Популарни