Алонсо за Артета: Тој е компетитивно животно…

Чаби Алонсо и Микел Артета имаа можност да се соочат во вчерашниот меч на Баер Леверкузен и Арсенал, меч на „Емирејтс“ кој им припадна на домаќините со убедливи 4-1.

Премиерлигашот беше на далеку повисоко ниво на овој тест и со убави акции го матираше противникот, а со тоа потврди дека е во добар ритам, форма пред стартот на новата сезона во англискиот шампионат.

Алонсо многу добро го познава Артета, па имаше што да каже за сонародникот.

-Компетитивен, секогаш бил компетитивно животно. Овде можете да видите како развил одличен проект. Може да се види дека сака да победи и се подготвуваше за тоа, знаете. Тоа е плод на многу одлуки што ги донесе, а тие да стигнат овде во Арсенал, -рече тренерот на „фармацевтите“.