Алонсо успешно опериран, ја испрати и првата порака по непријатниот инцидент (Фото)

Фернандо Алонсо ги мина изминативе 24 часа во болница во Швајцарија откако вчера беше удред од автомобил додека возел велосипед, несреќа поради која ова утро морал да замине и „под нож“, откако медицинските лица откриле дека има скршеница на горната вилица.

Искусниот шпански Ф1 возач за среќа минал без потешки животозагрозувачки повреди, но сепак утрово му била направена успешна интервенција на устата, откако најголема штета била нанесена на овој дел од телото по жестокиот пад.

Неговиот тим Алпин откри дека Алонсо ќе остане под опсервација на луѓето во болницата и во наредните 48 часа, додека угледните шпански медиуми пренесуваат дека за Фернандо ќе следува и друга фаза по заздравувањето на вилицата, бидејќи останал без неколку заби.

Во текот на денот, со официјално соопштение по несреќата за првпат се јави и самиот Алонсо:

– Ви благодарам на сите за убавите желби. Јас сум добро и гледам напред кон старт на сезоната 2021-ва, – порача Алонсо.

Thanks for all your wishes, I’m ok and looking forward to getting 2021 underway.💪💪💪💪
Let’s gooooooooooooooo

— Fernando Alonso (@alo_oficial) February 12, 2021