Алонсо со анализа за Ливерпул: Тие се способни…

Баер Леверкузен се распадна во второто полувреме и доживеа тежок пораз од Ливерпул од 4-0 на соочувањето на „Енфилд Роуд“ во Лигата на шампионите.

Бундеслигашот добро се држеше еден час, меѓутоа потоа на сцена стапи Луис Дијаз кој реалзиираше хет-трик, а во листата на стрелци се запиша и Коди Гакпо. Овој резултат дефинитивно е разочарувачки за „фармацевтите“ за кои ова беше прв пораз во елитното натпреварување, пораз по кој тренерот Чаби Алонсо имаше што да каже за противникот и за тоа што може да постигне премиерлигашот во актуелнава сезона во која делува одлично во сите натпреварувања.

-Мислам дека тие се многу комплетен тим. Мислам дека тие се способни да се бранат, да постигнат гол, да бидат добри за да имаат моќ во шеснаесетникот, тие можат да имаат чисти мрежи, тие се способни со не многу шанси да постигнат голови, а тоа е голема сила за Лигата на шампионите. особено кога одите во следната рунда.

-Да, тие ја имаат оваа моќ, но сè уште е рано да се каже. Тие се во добар момент, тимот има добар баланс, тренерот врши одлична работа досега, изгледа ветувачка сезона, но ние сме уште во ноември, -порача Шпанецот.