Алонсо кажа „Да“: Прв сериозен тренерски ангажман за легендарниот играч за врска

Чаби Алонсо мирно и трпеливо се надоградуваше како тренер откако стави крај на играчката кариера, па откако во изминатите четири години работеше во младинските категории на Реал Мадрид и Реал Сосиедад, сега е подготвен за првиот сериозен ангажман на европската сцена.

Во ситуацијата ќе станува збор за интеренационален предизвик, бидејќи Чаби Алонсо дал зелено светло и се согласил да го води германскиот великан кој минува низ навистина тешки моменти на стартот на сезоната.

Баер Леверкузен е претпоследен во Бундеслигата, игра очајно и во Лигата на шампионите, па германските медиуми пренесуваат дека Чаби Алонсо ќе биде наследниот на тренерот Сеоане, чиј часови веќе се избројани во клубот.

Веста од Германија ја потврди и угледната „Марка“, која пак открива дека Чаби се согласи за соработка и ќе стави потпис на договор во времетраење од 20 месеци.

Алонсо ќе потпише до јуни 2024-та година, а негов помошник во Баер Леверкузен ќе биде човекот од доверба, Себас Парилја.