Алкараз запиша нов триумф, остануваат уште три чекори за да повторно биде број еден

Карлос Алкараз се избори за нова победа на АТП Мастерсот во Индијан Велс и тоа против британскиот тенисер Џејк Дрејпер.

Шпанецот водеше со 6-2 и 2-0 во вториот сет кога Дрејпер одлучи да го предаде мечот, па сега Карлос е во четвртфиналето во кое ќе ги одмери силите со Феликс Оже-Алијасим.

Ова значи дека Алкараз е чекор поблиску повторно да биде најдобар на светот или поточно до позицијата број еден го делат само уште три победи, поточно титула на турнирот.

Следниот негов противник Оже-Алијасим на чудесен начин се избори за славје против домашниот рекет Томи Пол. Канаѓанецот спаси шест меч топки и со 3-6, 6-3, 7-6(6) го продолжи настапот во Индијан Велс.

Останатите четвртфинални парови се Фриц-Синер, Медведев-Давидович Фокина и Нори-Тиафо.