Алкарас загуби еден сет во првото коло, противникот го изнасмеа со невообичаен потег (Видео)

Карлос Алкарас загуби еден сет во воведната рунда на Ју-Ес Опен, но успеа навреме да се консолидира и да излезе на крај со Ли Ту од Австралија.

Кинезот кој е роден во Австралија го освои вториот сет со 6:4 и израмни на 1:1, но пред да дојде до тоа, режираше и еден потег кој ги изнасмеа сите на трибините.

Ли Ту имаше еден катастрофален обид да сервира под рака и топчето заврши во долниот дел од мрежата, па покрај што си се изнасмеа самиот, рамнодушен не остана и Алкарас.

Шпанецот слатко се насмевна на лукавиот и невообичаен потег од противникот, кој во продолжение сепак успеа да го намачи и да му одземе еден сет.

На крајот, Алкарас ја пронајде својата најдобра игра и третиот и четвртиот сет ги доби со 6:3 и 6:1 и така ја оправда улогата на фаворит.

Претходно, еден сет загуби и Јаник Синер, но Италијанецот направи пресврт и со 3:1 славеше над МекДоналд.

Li Tu finds the humor in things.

Just laughing off a bad underhand serve 😅 pic.twitter.com/6bAEdfNw8d

— US Open Tennis (@usopen) August 28, 2024