Алкарас за допинг скандалот на Синер: Сигурно постои нешто што не го знаеме…

Прес конференциите на тенисерите кои ќе учествуваат на Ју-Ес Опен подразбираат и барање од новинарите за нивен став околу допинг скандалот на Јаник Синер, а по Новак Ѓоковиќ, на оваа тема зборувал и Карлос Алкарас.

Шпанецот чиј најголем ривал веројатно уште долго ќе биде токму Синер не сакал да го нападне својот колега, но истакнал дека постојат нејаснотии околу целиот случај.

Италијанецот два пати имал позитивен допинг тест за минимална количина на забранета супстанца, но не доби забрана за настап, ниту пак суспензија, туку само симболична казна.

– Ова е сигурно тежок момент за него, нема да лажам, се работи за навистина комплицирана ситуација.

– Тешко ми е да објаснам на англиски јазик, но ќе кажам дека сигурно постојат работи за кои не знаеме, за тоа што се случува во тимовите, со соработниците…

– Но, ако му дозволиле да настапува и покрај тестовите, мора да постои нешто кое ние не го знаеме, а поради кое утврдиле дека е невин и поради што продолжил да игра, – рекол Алкарас.

Ѓоковиќ конечно се огласи за Синер: Барам промени, сите мора да се третират подеднакво