Алкарас се повреди и застана, Ѓоковиќ рутински до седмото финале во Париз

Новак Ѓоковиќ е првиот финалист на овогодинешното издание на Ролан Гарос и тоа откако попладнево славеше над Карлос Алкарас со 3-1 во сетови.

Ова беше дуел во кој видовме два одлични сета, многу надмудрувања, борба, два сета при кои резултатот беше 1-1. Српскиот ас беше подобар во првиот со 6-3, но во вториот Шпанецот одговори и со 7-5 најави уште поголеми возбудувања на „Филип Шатрие“.

Меѓутоа на стартот на третиот сет Алкарас се повреди и иако тој остана не теренот, неизвесноста заврши затоа што не можеше да се движи како што знае и умее, да одговори на вистински начин. Ѓоковиќ тоа го искористи и со 6-1 и 6-1 го потврди пласманот во големото финале, седмо за него на Френч Опен.

Alcaraz seems to be cramping in the third set 👀

Djokovic came to check on him ❤️#RolandGarros pic.twitter.com/SmJ73P233h

— Eurosport (@eurosport) June 9, 2023

Третиот светски рекет ќе има можност да дојде до 23 грен слем титула, а до тоа го дели триумф над победникот од Каспер Руд и Саша Зверев.