Алкарас се извини за своето однесување во поразот од Монфис: И јас сум само човек (Видео)

Карлос Алкарас одигра еден од најлошите мечеви во својата кариера во втората рунда на Мастерсот во Синсинати, а тоа максимално го искористи францускиот ветеран Гаел Монфис.

Легендарниот Гаел воглавно ја задржуваше топката во игра и дочекуваше некарактеристични грешки од светскиот рекет број три, кој вчера го видовме во издание во какво што не се прикажал на тениската сцена.

Алкарас пропушти низа брејк топки во одлучувачкиот трет сет, па во еден момент целосно се „исклучи“ и го истури бесот врз рекетот.

Шпанецот го уништи својот рекет и покажа нервоза која е несвојствена за него, па очекувано доби и доста лоши коментари од редовните критичари на социјалните мрежи.

Еден ден подоцна, Алкарас покажа доблест и се извини за своето издание, а тоа му донесе серија коментари во кои фановите му искажаа максимална поддршка.

– Барам извинување бидејќи моето однесување вчера не беше коректно и тоа е нешто што не треба да се случи на тенискиот терен. Јас сум само човек, имав акумулирана нервоза во себе и понекогаш е тешко да се контролирате кога пулсирањата во главата се толку високи. Ќе работам за да не повторам вакво нешто. Сега е време да мислиме на Њујорк, – порача Алкарас.

“He desperately wants to win this match” 👀#CincyTennis pic.twitter.com/QkiDhvNHtw

— Tennis TV (@TennisTV) August 16, 2024

Pido perdón porque mi actitud de ayer no fue correcta y es algo que no debería hacerse dentro de una pista. Soy humano, tenía acumulación de nervios dentro y a veces es muy complicado controlarse cuando estás con las pulsaciones tan altas. Trabajaré para que no vuelva a… pic.twitter.com/YR0dRJhTxX

— Carlos Alcaraz (@carlosalcaraz) August 17, 2024