Алкарас отвори со победа на стартот во Пекинг

Карлос Алкарас реши да биде доста активен по шокантната рана елиминација на Ју-Ес Опен, па така по настапите на Дејвис Купот и на Лејвер Купот, денеска го почна своето учество на турнирот во Кина.

Шпанскиот тенисер е дел од ждребот во Пекинг и денеска отвори против Французинот Мпетши Перикар, над кого успеа да слави во два идентични сета.

Алкарас правеше по еден брејк и успеваше да го задржи својот сервис, што беше повеќе од доволно за да слави победа во два максимални сета.

Карлитос со идентични 6:4 се пласираше во следната рунда на турнирот во Пекинг, каде главен ривал за пехарот секако му е Јаник Синер кој исто така е пријавен на турнирот.

Што се однесува до следната рунда, Алкарас вкрстува со Грикспор, додека Синер во второто коло ќе игра против Сафиулин.