Алкарас: Нема да има тетоважа, ако триумфирав…

Карлос Алкарас по одличните настапи на Ролан Гарос и Вимблдон се надеваше на златен медал на Летните Олимписки Игри во Париз, меѓутоа таа негова цел, желба не се оствари затоа што на патот му застана Новак Ѓоковиќ.

Шпанецот имаше добри настапи се до големото финале во кое Ѓоковиќ покажа повеќе од него и дојде до успехот кој му недостасуваше во кариерата. Токму поради ова и Карлос нема да ја направи тетоважата која ја вети за „пехар“ на ОИ.

Алкарас веќе има замислено и тетоважа доколку стигне до златниот медал во неделното финале: Ќе се направам дека не го слушнав тоа

-Нема да има тетоважа, бидејќи јас не го освоив златото. Ако победев на Олимпијадата, тогаш ќе се истетовирав, -рече Карлос.

-Секогаш сакам подобро и секогаш мислам дека можам подобро. Навистина мислам дека имав одлично лето, иако многу го посакував тој златен медал. Секогаш се трудам да откријам што згрешив во поразот, за да не ги повторам грешките на следниот натпревар. Не успеав да решам некои ситуации во Париз.

-Верувам дека во иднина ќе имам шанса да освојам злато, но никогаш не се знае. Рафаел Надал го освои златниот медал во Пекинг 2008 година, а потоа не играше во ниту едно финале, -додаде Шпанецот кој се подготвува за турнирот во Синсинати.