Алкарас го скрши отпорот на Фис и закажа шпанско полуфинале во Монте Карло

Карлос Алкарас стана втор полуфиналист на Мастерсот во Монте Карло, а за таква привилегија се избори преку тежок меч со францускиот ривал Артур Фис.

Токму Фис го започна мечот на повисоко ниво и набрзина направи два брејка, возврати Алкарас на ист начин и стигна до 4:4, но веќе во следниот гејм повторно го загуби сервисот, а Фис го потврди сетот со резултат 6:4.

Во вториот сет имаше само еден брејк и тоа во клучен момент, односно при резултат 6:5, Алкарас го одзема сервисот на противникот и го испрати мечот во трет решавачки сет.

Фис не се предаваше и испорачуваше одлични размени и поени, возврати на првиот брејк на Шпанецот, но не и на вториот, па Алкарас го комплетираше мечот со 6:3 за конечни 2:1.

Следен противник на Алкарас ќе биде неговиот сонадорник Давидович Фокина.