Поврзете се со нас

АТП

Алкарас го „разнесе“ Медведев и го остави Ѓоковиќ без првото место (Видео)

Објавено

на

Foto:twitter.com/BNPPARIBASOPEN

Големото финале на Индијан Велс се чекаше со голема возбуда поради страшната форма на Карлос Алкарас и Данил Медведев, но на крајот тениските фанови останаа пократки за спектакл, бидејќи мечот беше навистина едносмерен.

Младиот Алкарас ја освои втората голема Мастерс титула во кариерата, и тоа го направи на уверлив начин поради тенисерот кој беше во најдобра форма и кој имаше серија од 19 победи во низа.

По три освоени титули и 19 добиени меча, Русинот Медведев налета на неверојатно расположен тенисер, за кој немаше решение во ниту еден момент и мораше да му подаде рака и да му честите за импресивната игра.

Финалето траеше само 72 минути и Алкарас славеше со убедливи 6:3 и 6:2, со што само ја потврди доминацијата која ја наметна во калифорниската пустина од самиот старт.

Алкарас не загуби ниту еден сет на Индијан Велс, па така стана првиот играч кој го прави тоа и ја освојува титулата по Рожер Федерер. Исто така, оваа нова голема титула значи дека Алкарас се враќа на првото место на АТП листата, минувајќи го Новак Ѓоковиќ кој не доби дозвола да игра на турнирот.

Реклама
Реклама
Реклама

Популарни