Алкарас го растури Зверев за пласман во полуфиналето во Њујорк

Карлос Алкарас не остави ништо на случајноста и понуди брутално ниво на тенис во четвртфиналето на Ју-Ес Опен, па така се претвори во последен полуфиналист на Флешинг Медоус.

Шпанскиот тенисер кој е бранител на титулата во Њујорк се очекуваше да има далеку посилен отпор од Александар Зверев, но очигледно исцрпувачкиот меч против Синер си го направи своето и Германецот драматично падна на стартот на вториот сет.

Во првиот, Зверев не ја искористи својата шанса за брејк при резултат 3:3, по што Алкарас одговори со брејк во следниот гејм, а потоа лесно сервираше за 6:3 и водство од 1:0.

Шпанецот продолжи фуриозно и во вториот сет кој го доби со 6:2, а што е уште подобро пред полуфиналето, воопшто не се мачеше и со максимални 3:0 дојде меѓу четирите најдобри.

Алкарас го доби третиот сет со 6:4 и закажа полуфинална пресметка со Данил Медведев, додека во другото полуфинале силите ќе ги одмерат Новак Ѓоковиќ и Бен Шелтон.